Yazar: TürkistanDer

ЎЗБЕКИСТОНДАГИ ҲИЖОБ ДУШМАНЛАРИ ТУРКИЯДА

21.09.2018

21 Сентябрь куни Истанбулда Туркиянинг Ибн Холдун университети ва Ўзбекистон Диний идораси иштирокида “21. аср таҳдидлари ва Ислом маданияти ғоялари” номли халқаро анжуман ўтказилмоқда.

Бу анжуманда Ўзбекистоннинг Диний Қўмитаси вакиллари сифатида Диний идора ўринбосари Абдулазиз Мансур ва Ислом Академиясининг бу кунларда академияда ўқиётган муслима қизларга ҳижобларини зўровоннлик билан очтираётган ректори Шуҳрат Ёвқочев қатнашмоқдалар.

Ислом динига ва мусулмонларга очиқча мухолифлик қилаётган Ўзбекистон диний идораси вакилларининг ушбу анжуманда қатнашишига Халқаро Туркистонликлар Жамияти ўз муносабатини билдирди:

Ўзбекистонда ҳозирги кунда Туркияда 1997 йилда содир бўлган ва “28 Февраль Жараёни” (бу кунда ҳижоб масаласи баҳона қилиниб, ҳарбийлар Нажмиддин Эрбоқон ҳукуматини ағдарганди) номи берилган ҳижобга қарши курашни кўрмоқдамиз. Ҳижобни тақиқловчи 666 рақамли қарорга амал қилиш бошланиши билан Тошкентдаги Ислом академиясининг 125 нафар қизлари ҳижоб билан бу илм даргоҳига кира олмайдиган бўлишди. Академиядаги тақиқларга бўйин эгмаган 65 муслима талаба қизнинг ўқишига тўсиқ қўйилди. Қолган 60 нафар қиз талаба эса ҳижобини ечиб, ўқишга мажбур бўлмоқда. Ўзбекистондаги бошқа университетлар, коллежлар, институтлар ва мактабларда аллақачон ҳижоб тақиқланган.

Ибн Халдун университети томонидан уюштирилган ушбу анжуманга Исломий Академиянинг ректори Шуҳрат Ёвқочев ҳам маърузачи сифатида иштирок этмоқда. Ёвқочев Ўзбекистон мустақиллиги даврида ҳам ўзининг коммунистик қарашлари билан танилган кишидир.

Ўзбекистон Диний идораси Ислом Каримов ҳукмронлигидан буён диний тазйиқларни қўллаб-қувватламоқда. Бу Диний идора раисининг ўринбосари Дилшод Ҳошимов, собиқ Миллий хавфсизлик хизмати (МХХ) вакилидир. Шавкат Мирзиёев Президент бўлганидан кўп ўтмай қийноқ ва коррупцияда айбланган МХХ тарқатилганди. Аммо унинг ерини олган Давлат Хафвсизлик Хизмати (ДХХ) эски зулмларни давом эттирмоқда. Диний идора раиси ўринбосари шайх Абдулазиз Мансур Ибн Халдун Университети томонидан ташкил етилган симпозиумнинг ма’рузачиларидан биридир. А. Мансур 666-сонли “Ўрта мактабларда кийиниш тартиби” қарорининг ҳижобни таъқиқлаши ҳақидаги саволларга жавоб беришдан бош тортганди.

Ибн Холдун университети ташкил қилган “21-асрда Таҳдидлар ва Исломий ма’рифат” анжуманига дин душмани Шуҳрат Ёвқочев каби бир шахснинг иштирок этиши Туркиядаги Туркистонликларнинг эътирозларига сабаб бўлди.

Devami

Özbekistan’ta terör guruplara yanlış katılanlara vatana dönme imkanı açıldı

20.09.2018

Haber Özbekistan hükümetine yakınlığı ile bilinen kun.uz sayfasında yayınlandı. Devlet Başkanı Şevket Mirziyayev konu ile ilgili bir kararname açıkladı.

Özbekistan Cumhurbaşkanı Şevket Mirziyaev “Terörist, aşırılıkçı veya diğer yasaklı örgüt ve gruplarla karışmış olan Özbekistan vatandaşlarının cezai sorumluluğundan muafiyetinin iyileştirilmesi üzerine” kararnamesi imzaladı.

Buna göre, terörist, aşırılıkçı veya diğer yasaklanmış örgüt ve gruplarla karışmış Özbekistan Cumhuriyeti vatandaşlarının itirazlarını değerlendirmek için bir Hükümet Kurumlar arası Komisyonu oluşturulacak…

Haberin Özbekçe tem metni:

Президент фармони: Террористик ташкилотларга адашиб кириб қолган фуқароларга қайтиш имкони берилади
Ўзбекистон
21:50 / 19.09.2018
14304
Фото: Президент матбуот хизмати

Ўзбекистон Республикаси президенти Шавкат Мирзиёевнинг «Террористик, экстремистик ёки бошқа тақиқланган ташкилот ва гуруҳлар таркибига адашиб кириб қолган ўзбекистон республикаси фуқароларини жиноий жавобгарликдан озод этиш тартибини такомиллаштириш тўғрисида»ги фармони имзоланди. Бу ҳақда ЎзА хабар бермоқда.

Ушбу ҳужжат билан террористик, экстремистик ёки бошқа тақиқланган ташкилот ва гуруҳлар таркибига адашиб кириб қолган Ўзбекистон Республикаси фуқароларининг мурожаатларини кўриб чиқиш бўйича Республика идоралараро комиссияси тузилади.

2018 йил 1 ноябрдан террористик, экстремистик ёки бошқа тақиқланган ташкилот ва гуруҳлар таркибига адашиб кириб қолган Ўзбекистон Республикаси фуқаролари Комиссия хулосасига асосан жиноий жавобгарликдан озод этилади.

Комиссия томонидан салбий хулоса чиқарилган тақдирда барча ҳолатлар қонун ҳужжатларида ўрнатилган тартибда кўриб чиқилади.

Ўзбекистон Республикаси фуқаролари қуйидаги ҳолатларда қуйидаги ҳолларда жиноий жавобгарликдан озод қилиниши мумкин:
– айбини бўйнига олиш тўғрисида шахсан арз қилиб келса, қилмишидан чин кўнгилдан пушаймон бўлса ва тузалиш йўлига ўтган бўлса;
– жиноий фаолият ва бошқа ҳуқуққа хилоф қилмишларни фош этишда фаол ёрдам берган бўлса;
– тақиқланган ташкилотлар сафига алдов йўли билан жалб этилган бўлса;
– тақиқланган ташкилотларнинг ғоявий ёки маънавий раҳнамоси бўлмаган бўлса;
– жанговар ҳаракатларда ва қўпорувчилик ҳаракатларини содир этишда иштирок этмаган бўлса;
– террорчилик фаолиятини амалга ошириш мақсадида тақиқланган ташкилотларда ўқув, махсус ёки ҳарбий тайёргарликдан ўтмаган бўлса;
– террорчилик фаолиятини амалга ошириш мақсадида чиқиш ёки ҳаракатланишни амалга оширмаган бўлса;
– халқаро терроризмни молиялаштиришда иштирок этмаган бўлса;
– террористик, экстремистик ва бошқа бузғунчи ғоялар мавжуд бўлган материалларни адашиб ёки ахборот-коммуникация воситаларида тарқатишга қасд қилмаган ва бундай мақсадни кўзламаган ҳолда сақлаган бўлса.

Комиссияга Ўзбекистон Республикаси бош прокурори Отабек Муродов бошчилик қилади. Унга қуйидаги ваколатлар юклатилган:
– тақиқланган ташкилотлар таркибига адашиб кириб қолган фуқароларнинг жиноий жавобгарликдан озод этиш тўғрисидаги мурожаатларини кўриб чиқиш;
– мурожаат этган фуқароларнинг шахсини, шу жумладан, уларнинг содир этилган жиноятларга дахлдорлигини ҳар томонлама текшириш орқали ўрганиш;
– мурожаатларни кўриб чиқиш натижалари бўйича қабул қилинган хулосаларни дастлабки тергов органларига ўрнатилган тартибда тақдим этиш;
– содир этган қилмишига пушаймон бўлган ва айбини бўйнига олиш тўғрисида арз қилиб мурожаат этган фуқароларга нисбатан тақиқланган ташкилотлар аъзолари томонидан салбий таъсир этилишининг олдини олиш бўйича тегишли чораларни кўриш учун ваколатли органларга топшириқлар юбориш;
– жиноий жавобгарликдан озод этилган шахсларга ижтимоий-ҳуқуқий ёрдам кўрсатилишида, шу жумладан, бандлигини таъминлаш борасида кўмаклашиш ва мониторингини олиб бориш;
– жиноий жавобгарликдан озод этилган шахслар билан профилактик-тушунтириш ишларини олиб бориш бўйича ваколатли органлар ва ташкилотларга топшириқлар юбориш.

Ушбу Фармон фуқароларнинг Ўзбекистон Республикаси ҳудудига киришини ҳуқуқий жиҳатдан расмийлаштириш учун асос ҳисобланади. Тақиқланган ташкилотлар таркибига адашиб кириб қолган фуқароларнинг қилмишига пушаймонлиги ҳамда айбини бўйнига олиши тўғрисидаги аризаси хорижда уларнинг яшаш жойи бўйича Ўзбекистон Республикаси дипломатик ваколатхоналарига ёхуд Ўзбекистон Республикасининг ҳуқуқни муҳофаза қилувчи органларига берилади. Ушбу Фармон билан жиноий жавобгарликдан озод этилиб, тақиқланган ташкилотлар фаолиятида иштирок этиш билан боғлиқ жиноятни қайта содир этган шахснинг такрорий мурожаати кўриб чиқилмайди. Комиссия томонидан ўз ваколатлари доирасида қабул қилинган қарор барча давлат органлари ва ташкилотлар томонидан ижро этилиши мажбурийдир. Комиссиянинг ишчи органи Ўзбекистон Республикаси Ички ишлар вазирлиги ҳисобланади.

Manba: kun.uz/news/2018/09/19/prezident-farmoni-terroristik-taskilotlarga-adasib-kirib-kolgan-fukarolarga-kajtis-imkoni-beriladi

Devami

Özbekistan ve Tacikistan ortak askeri tatbikatlar yapıyor

18.09.2018

18-22 Eylülde Özbekistan askeri birliği Tacikistan dağlık bölgelerinde bu ülke askerleriyle terörist grupları yok etmek amaçlı ortak tatbikatlar yaptı.

Beş gün devamında Özbekistan ve Tacikistan’ın yaklaşık 600 askeri personeli Sogd ilinin ulaşılmazı zor dağlık bölgelerinde terörist grupları tespit ve yok etme tatbikatları yapacaklar.

16 Eylül’de Özbekistan ve Savunma Bakanlığı askerinden oluşan grup Tacikistan’a gelmişti. O gün iki ülke arasında 2018 yıl için askeri işbirliği planı imzalandı.

Ўзбекистон ва Тожикистон қўшма ҳарбий машғулотлар ўтказмоқда

18−22 сентябрь кунлари Ўзбекистон Мудофаа вазирлиги ҳарбий хизматчилари Тожикистоннинг тоғли ҳудудларида шартли террористик гуруҳларни йўқ қилиш бўйича қўшма машғулотларни ўтказади, дея хабар қилди Мудофаа вазирлиги матбуот хизмати.

Беш кун давомида Ўзбекистон ва Тожикистоннинг 600 нафарга яқин ҳарбий хизматчилари «Чоррух-Дайрон» ўқув маркази ва «Нурафшон» полигони базасида Сўғд вилоятининг бориш қийин бўлган тоғли ҳудудларида шартли террористик гуруҳларни аниқлаш ва йўқ қилиш бўйича ҳарбий ўқув ҳаракатларини амалга оширади.

16 сентябрь куни Ўзбекистон Мудофаа вазирлиги ҳарбий хизматчилари гуруҳи Тожикистонга борди.

Эслатиб ўтамиз, августда Тожикистон мудофаа вазири генерал-полковник Шерали Мирзо расмий ташриф билан Ўзбекистонга келган эди. Ўзбекистон мудофаа вазири Абдусалом Азизов билан учрашув вақтида у ҳарбий хизматчиларни қўшма машғулотларда иштирок этишга таклиф қилган ҳамда ҳарбий жамоалар ўртасида спорт ва маданий тадбирларни ўтказиш таклифини илгари сурган эди.

Ўша вақтда 2018 йилда ҳарбий ҳамкорлик режаси ҳам имзоланган.

Devami

Orta Asya’daki 4 devlet Dini İdareleri işbirliği anlaşması imzaladılar

17.09.2018

Bölgedeki dört ülke Müslümanlar İdareleri işbirliği konusunda bir anlaşma imzaladılar

Kırgızistan, Özbekistan, Kazakistan ve Tacikistan’daki Müslüman İdarelerin başkanları Taşkent’te toplandı.

Kırgızistan Müftülüğüne göre, belge dini idareler arasındaki etkileşimin birleştirilmesi, deneyimlerin paylaşılması ve Hanefi mezhebi değerlerini yayma çabalarının pekiştirilmesini amaçlanıyor.

Dört ülkeden Müftülükleri eğitim sistemini geliştirmek, bu ülkeler arasında ziyaretler oluşturmak ve Ramazan ve Kurban bayram günlerini bir günde kutlamak için birlikte çalışacaklar. Buna ek olarak, anlaşma İslami turizmi ve bölgedeki dört Müslüman milletler arasındaki dostluğun güçlendirilmesini amaçlıyor.

Kırgızistan, Özbekistan, Kazakistan ve Tacikistan, nüfusun çoğunun Müslüman olan eski Sovyet cumhuriyetleridir.

Ozodlik

Қирғизистон, Ўзбекистон, Қозоғистон ва Тожикистон мусулмонлар идоралари келгусида ҳамкорлик қилиш бўйича битим имзолади.

Қирғизистон муфтияти хабарига кўра, ҳужжат ташкилотлар ўртасидаги ўзаро алоқаларни мустаҳкамлаш, тажриба алмашиш, ислом, шу жумладан, ханафия мазҳаби қадриятларини ёйиш бўйича саъй-ҳаракатларни бирлаштиришга йўналтирилган.

Тўрт мамлакат муфтиятлари таълим тизимини яхшилаш, зиёратлар ташкил этиш ва Ҳайит кунларини белгилаш масалаларида биргаликда ишлашмоқчи. Бундан ташқари, келишув ислом туризмини ривожлантириш ва мамлакатлар ўртасида дўстликни мустаҳкамлашни ҳам ўз ичига олади.

Қирғизистон, Ўзбекистон, Қозоғистон ва Тожикистон аҳолисининг кўпчилик қисми мусулмонлар бўлган собиқ иттифоқ республикаларидир.

Ozodlik

Devami

Özbekistan: Uluslararası İslam Akademisinde kızların başörtüsü zorla çıkartılıyor

11.09.2018

BBC Özbek servisi Özbekistan Uluslararası İslam Akademisinde kızların başörtüsü zorla çıkartılmakta olduğunu haber verdi.

Cumhurbaşkanı Şevket Mirziyayev’ın kararıyla oluşturulan Uluslararası İslam Akademisinde okuyan Müslüman kız öğrencilerin başörtüsü zorla çıkartılmaktadır. Başörtüsünü çıkartmak mecburiyetinde kalan kızlar başlarına peruk takarak derse devam etmektedirler…

Haberin Özbekçe tam metni:

O‘zbekiston: Xalqaro Islom akademiyasida qizlarning hijobi echtirildi

Prezident Mirziyoev farmoni bilan tashkil qilingan Toshkentdagi Xalqaro Islom akademiyasi talabalari hijobini echishga majburlandi. Hijobi echtirilgan muslimalar o‘qishga parik kiyib kelishga majbur bo‘lmoqda.

Bi-bi-siga kelib tushgan ma’lumotlarga ko‘ra, 100 dan ortiq muslimaga hijob yoki o‘qishni tanlash talabi qo‘yilgan.

“Har tomonlama bosim o‘tkazishdi. Ro‘molini echmagan yotoqxonadagi talabalarning yuklarini tashqariga olib chiqib qo‘yishgan, ichkariga qo‘ymaymiz, deb. Qarshilik ko‘rsatgan talabalarga o‘qishdan haydalish ko‘rib chiqilsin, degan mazmunda raport tayyorlab qo‘yilgan. Qizlar yig‘lab-yig‘lab hijobini echishdi. Boshiga parik va bo‘yniga sharf bog‘lab borishibdi”, deydi bosimga uchragan talaba qizlardan birining yaqini.

Mirziyoev: “Biz Islom dinini o‘rganishga sharoit yaratmadik”
Toshkentlik imom maktablarda ro‘molni taqiqlashga qarshi chiqdi
“Islom akademiyasi buyuk ajdodlarimiz, boy islomiy merosimizni dunyoga tanitadi”
Uning aytishicha, ota-onalar shikoyat qilishga ham qo‘rqib qolishgan.

“Bir qiz adliya vazirligiga shikoyat qilgan ekan, vazirlikdagilar bu topshiriq universitetniki emas, tepadan kelayotgan buyruqligini aytibdi. Shunga nima qilishimizni ham bilmay qolganmiz. Hijobni echishga majbur qilinganlar orasida Qur’on musobaqasida qatnashgan qoriya ham bor ekan”.

Ma’lum bo‘lishicha, universitet mutasaddilari sharf bilan bo‘ynini yopishga harakat qilgan qizlardan uni ham echtirishni talab qilgan.

“18-20 yoshli qizlarga bunchalik ruhiy bosim kimga kerak. Qizlar tinmasdan yig‘lamoqda. Shunchalik ham xo‘rlik bo‘ladimi insonga nisbatan. Qizlar depressiyaga tushib qolgan”, deydi hodisadan tanish manbalardan biri.

Islom akademiyasi mas’ullari talabalarnig hijob bilan o‘qishga qo‘yilmayotganini tasdiqladi.

“Hozir hijob bilan kelish muammo bo‘lyapti. Hozir bitta bizning oliygohda emasda bu narsa, hamma joyda shu muammo”, deydi Islom akademiyasi xodimlaridan biri.

Bi-bi-si Islom akademiyasi matbuot kotibi Lola Azimova bilan bog‘lana olmadi.

Adliya vazirligi matbuot xizmati hijob borasida talabalarning to‘siqlarga duch kelayotgani borasida vazirlikka murojaatlar bo‘lganini tasdiqladi.

Matbuot xizmati mas’uli Islom akademiyasi bevosita Din ishlari bo‘yicha qo‘mita qoshida bo‘lganligi bois, o‘sha tashkilotga murojaat qilish kerakligini aytdi.

O‘zbekiston din ishlari bo‘yicha qo‘mita matbuot kotibi Abror Po‘latovga ish joyida yo‘qligi sabab bog‘lanishning imkoni bo‘lmadi.

Toshkentdagi Xalqaro Islom akademiyasi shu yilning 16 aprelida Prezident Shavkat Mirziyoevning maxsus farmoni asosida tashkil qilingan.

Sobiq Islom universiteti negizida tashkil qilingan Xalqaro akademiyaga O‘zbekiston musulmonlari idorasi va O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita muassislik qiladi.

Unda Qur’on ilmlari, hadis, islom huquqi, aqida, tasavvuf, islom iqtisodiyoti va moliyasi, xalqaro munosabatlar, xorijiy tillar (arab, fors, ingliz, rus, urdu, turk) va boshqa xalqaro miqyosda ehtiyoj mavjud bo‘lgan sohalar bo‘yicha malakali kadrlarni tayyorlash ko‘zda tutilgan.

“Nomi Islom akademiyasi bo‘lgani uchun qizlarimizni bergan edik. Bu erda hijobiga to‘siq bo‘lmaydi, deb o‘ylagandik. Endi nima qilishni bilmayapmiz. Qizlarimizni o‘qishga yubormay qo‘yaylik desak, undan haydashadi. Tuni bilan tahajjud namozi o‘qib Ollohdan engillik so‘rayapmiz”, deydi qizi hijobini echishga majburlangan otalardan biri.

Hijob mojarosi

O‘zbekistonda hokimiyat tepasiga Shavkat Mirziyoev kelishi bilan diniy erkinliklar berila boshlangandi. Natijada O‘zbekiston Qur’on musobalqalari tashkil qilindi. Islom akademiyasi tashkil qilindi. Hadis ilmi maktablariga asos solish haqida xabarlar berildi.

Biroq hukumatga dinga, xossatan, musulmonlarga nisbatan siyosati so‘nggi vaqtlarda Karimov davridagidek holatga kelayotgani kuzatilmoqda.

Bolalarga Qur’on va tajviddan dars bergan an’anaviy hujralar aniqlanib, ularni yuritganlar va ta’lim olgan bolalar markaziy telekanallar orqali xalqqa sazoyi qilindi.

Hukumat o‘rta maktablarda bosh kiyimni taqiqlovchi 666 raqamli qarorni qabul qildi.

Bu qaror asosida maktablardagi hijob ham taqiqlandi.

Qarorga o‘z munosabatini bildirgan 30 ga yaqin bloger 24 avgustdan boshlab 10 va 15 sutkalik ma’muriy qamoqlarga tashlandi.

Facebookka kirishda to‘siqlar paydo bo‘ldi.

Hijob va soqolga bo‘layotgan tazyiqlarni Mirziyoevga mehrobdan turib murojaat qilgan imom Fazliddin Parpiev ishdan olindi.

Ўзбекистон: Халқаро Ислом академиясида қизларнинг ҳижоби ечтирилди

Президент Мирзиёев фармони билан ташкил қилинган Тошкентдаги Халқаро Ислом академияси талабалари ҳижобини ечишга мажбурланди. Ҳижоби ечтирилган муслималар ўқишга парик кийиб келишга мажбур бўлмоқда.

Би-би-сига келиб тушган маълумотларга кўра, 100 дан ортиқ муслимага ҳижоб ёки ўқишни танлаш талаби қўйилган.

“Ҳар томонлама босим ўтказишди. Рўмолини ечмаган ётоқхонадаги талабаларнинг юкларини ташқарига олиб чиқиб қўйишган, ичкарига қўймаймиз, деб. Қаршилик кўрсатган талабаларга ўқишдан ҳайдалиш кўриб чиқилсин, деган мазмунда рапорт тайёрлаб қўйилган. Қизлар йиғлаб-йиғлаб ҳижобини ечишди. Бошига парик ва бўйнига шарф боғлаб боришибди”, дейди босимга учраган талаба қизлардан бирининг яқини.

Мирзиёев: “Биз Ислом динини ўрганишга шароит яратмадик”
Тошкентлик имом мактабларда рўмолни тақиқлашга қарши чиқди
“Ислом академияси буюк аждодларимиз, бой исломий меросимизни дунёга танитади”
Унинг айтишича, ота-оналар шикоят қилишга ҳам қўрқиб қолишган.

“Бир қиз адлия вазирлигига шикоят қилган экан, вазирликдагилар бу топшириқ университетники эмас, тепадан келаётган буйруқлигини айтибди. Шунга нима қилишимизни ҳам билмай қолганмиз. Ҳижобни ечишга мажбур қилинганлар орасида Қуръон мусобақасида қатнашган қория ҳам бор экан”.

Маълум бўлишича, университет мутасаддилари шарф билан бўйнини ёпишга ҳаракат қилган қизлардан уни ҳам ечтиришни талаб қилган.

“18-20 ёшли қизларга бунчалик руҳий босим кимга керак. Қизлар тинмасдан йиғламоқда. Шунчалик ҳам хўрлик бўладими инсонга нисбатан. Қизлар депрессияга тушиб қолган”, дейди ҳодисадан таниш манбалардан бири.

Ислом академияси масъуллари талабаларниг ҳижоб билан ўқишга қўйилмаётганини тасдиқлади.

“Ҳозир ҳижоб билан келиш муаммо бўляпти. Ҳозир битта бизнинг олийгоҳда эмасда бу нарса, ҳамма жойда шу муаммо”, дейди Ислом академияси ходимларидан бири.

Би-би-си Ислом академияси матбуот котиби Лола Азимова билан боғлана олмади.

Адлия вазирлиги матбуот хизмати ҳижоб борасида талабаларнинг тўсиқларга дуч келаётгани борасида вазирликка мурожаатлар бўлганини тасдиқлади.

Матбуот хизмати масъули Ислом академияси бевосита Дин ишлари бўйича қўмита қошида бўлганлиги боис, ўша ташкилотга мурожаат қилиш кераклигини айтди.

Ўзбекистон дин ишлари бўйича қўмита матбуот котиби Аброр Пўлатовга иш жойида йўқлиги сабаб боғланишнинг имкони бўлмади.

Тошкентдаги Халқаро Ислом академияси шу йилнинг 16 апрелида Президент Шавкат Мирзиёевнинг махсус фармони асосида ташкил қилинган.

Собиқ Ислом университети негизида ташкил қилинган Халқаро академияга Ўзбекистон мусулмонлари идораси ва Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита муассислик қилади.

Унда Қуръон илмлари, ҳадис, ислом ҳуқуқи, ақида, тасаввуф, ислом иқтисодиёти ва молияси, халқаро муносабатлар, хорижий тиллар (араб, форс, инглиз, рус, урду, турк) ва бошқа халқаро миқёсда эҳтиёж мавжуд бўлган соҳалар бўйича малакали кадрларни тайёрлаш кўзда тутилган.

“Номи Ислом академияси бўлгани учун қизларимизни берган эдик. Бу ерда ҳижобига тўсиқ бўлмайди, деб ўйлагандик. Энди нима қилишни билмаяпмиз. Қизларимизни ўқишга юбормай қўяйлик десак, ундан ҳайдашади. Туни билан таҳажжуд намози ўқиб Оллоҳдан енгиллик сўраяпмиз”, дейди қизи ҳижобини ечишга мажбурланган оталардан бири.

Ҳижоб можароси

Ўзбекистонда ҳокимият тепасига Шавкат Мирзиёев келиши билан диний эркинликлар берила бошланганди. Натижада Ўзбекистон Қуръон мусобалқалари ташкил қилинди. Ислом академияси ташкил қилинди. Ҳадис илми мактабларига асос солиш ҳақида хабарлар берилди.

Бироқ ҳукуматга динга, хоссатан, мусулмонларга нисбатан сиёсати сўнгги вақтларда Каримов давридагидек ҳолатга келаётгани кузатилмоқда.

Болаларга Қуръон ва тажвиддан дарс берган анъанавий ҳужралар аниқланиб, уларни юритганлар ва таълим олган болалар марказий телеканаллар орқали халққа сазойи қилинди.

Ҳукумат ўрта мактабларда бош кийимни тақиқловчи 666 рақамли қарорни қабул қилди.

Бу қарор асосида мактаблардаги ҳижоб ҳам тақиқланди.

Қарорга ўз муносабатини билдирган 30 га яқин блогер 24 августдан бошлаб 10 ва 15 суткалик маъмурий қамоқларга ташланди.

Facebookка киришда тўсиқлар пайдо бўлди.

Ҳижоб ва соқолга бўлаётган тазйиқларни Мирзиёевга меҳробдан туриб мурожаат қилган имом Фазлиддин Парпиев ишдан олинди.

Devami

Özbekistan 101 ülkeye vizeyi kaldırıyor

Özbekistan 101 ülke için beş güne kadar vizesiz rejim uygulayacak.

09.07.2018

Özbekistan 15 Temmuzdan başlayarak kendi toprakları üzerinden transit geçecek 101 ülke vatandaşlarına 5 günlük vizesiz giriş ve çıkış rejimi uygulayacak.

Uygulama kapsamına girecek yolcuların üçüncü bir ülkeye biletleri olması şart. 16 yaşın altındaki yabancı şahıslar için eşlik edecek kişilerin Özbekistan’a giriş vizesi olması gerekiyor.  5 günlük vize muafiyeti olan ülkeler arasında Avrupa ve Asya devletleri ön sırada bulunuyor.

E-vize için ödeme, uluslararası ödeme sistemleri aracılığıyla elektronik olarak gerçekleştiriliyor. Bu durumda, başvuru sahibinin banka kartının sahibi olması gerekmiyor. Verilen elektronik vize e-posta ile gönderiliyor.

Özbekistan daha önce Türkiye vatandaşları için de vizeleri kaldırmıştı

Türkistander Haber Merkezı

Devami

Tacikistan çevre ülkeleri “Su sorununu” konuşmak için topladı

Tacikistan’da bölge ülkelerinin ve su sorunu yaşayan ülkelerin hükümet ve devlet başkanlarının katılımıyla “Sürdürülebilir Kalkınma İçin Su” Uluslararası On Yıllık Eylem Konferansı başladı

21.08.2018

Tacikistan’da bölge ülkelerinin ve su sorunu yaşayan ülkelerin hükümet ve devlet başkanlarının katılımıyla “Sürdürülebilir Kalkınma İçin Su” Uluslararası On Yıllık Eylem Konferansı Duşanbe’de başladı.

Tacikistan Cumhurbaşkanı Emomali Rahmon’un açılış konuşmasıyla, Tacikistan’ın başkenti Duşanbe’de düzenlenen ve Uluslararası Afet Eylemi, ‘Sürdürülebilir Kalkınma için Su’, 2018-2028 ‘den yapılan üst düzey konferans, bu sabah Tacik başkent Duşanbe’de başladı .

UNESCO Genel Direktörü Irina Bokova ve UN-Water Başkanı Michel Jarraud gibi BM yetkililerinin yanı sıra, dünya çapında 110 ülkeden ve Tacikistan’ın komşu ülkeleri, Türkmenistan, Afganistan ve Pakistan da katılıyor.

İran, iki gün süren etkinliğe Enerji Bakanı Rıza Ardakanyan’ın başkanlık ettiği bir heyetle katılıyor.

Birleşmiş Milletler Genel Kurulu (UNGA) Kararları’nın bu konudaki başlatıcısı olan Tacikistan, küresel gündemde su konularını aktif olarak destekliyor ve bugüne kadar birçok uluslararası su etkinliğine ev sahipliği yaptı.

Dünya Bülteni.

Devami

Kazakistan’da bir eyalete Türkistan adı verildi

 

Kazakistan’da Güney Kazakistan eyaletinin adı Türkistan eyaleti olarak değiştirildi

Cumhurbaşkanı Nursultan Nazarbayev, Güney Kazakistan eyaletinin adının Türkistan olarak değiştirilmesine ve eyalet merkezinin Türkistan kentine taşınmasına ilişkin kararnameyi imzaladı.

Cumhurbaşkanı Nazarbayev, Güney Kazakistan eyalet merkezi Çimkent’e büyük şehir statüsü verilmesi, eyaletin adının Türkistan eyaleti olarak değiştirilmesi ve eyalet merkezinin Türkistan kentine taşınmasını öngören “Kazakistan’ın bazı idari ve bölgesel yapısı konularına” ilişkin kararnameyi törenle imzaladı.

Nazarbayev, burada yaptığı konuşmada, 1 milyondan fazla nüfusu olan Çimkent’e büyükşehir statüsü verildiğine işaret ederek, “Türkistan eyaletinin merkezi, yüzyıllardır Kazak Hanlığının ve bütün Türk dünyasının siyasi ve manevi hayatının kalbi olan Türkistan kenti olacak.” dedi

Kararnamenin tarihi önem taşıdığının altını çizen Cumhurbaşkanı Nazarbayev, “Çimkent, sadece ülkemizin değil, Orta Asya bölgesinin yatırımlar, teknolojiler ve entelektüel kaynakları için yeni merkez olacaktır. Bunun için bütün imkanlar ve gerekli potansiyel var.” ifadelerini kullandı.

Nazarbayev ayrıca Çimkent’e büyükşehir statüsü verilmesinin şehrin sosyal ve ekonomik dengesi ile bölgedeki halkın yaşam kalitesinin artırılması için sürdürülebilir ivme kazandıracağını söyledi.

(Dünya Bülteni/ Haber Merkezi)

Devami

Сурхондарёда ғалла режасини бажармаган фермернинг чорваси тортиб олинмоқда

(krıl va lotında)

Сурхондарёдан Озодликка боғланган фермерларга кўра, ғалла режасини бажармаган фермерлардан топширилмаган буғдойнинг ҳар килоси учун 1200 сўмдан пул талаб қилинмоқда. Фермерлар иддаосича, МИБ бошчилигидаги мутасадди ташкилотлар ходимлари ғалла учун пул беришга қурби етмаган фермерларнинг чорва молларини тортиб олаяпти.
Озодликка мурожаат қилган сурхондарёлик фермерларга кўра, жорий йилда кузатилган сув тақчиллиги сабаб ғалла ҳосили кам бўлган ва аксар фермерлар режани бажара олмаган.

Фермерлар иддаосича, режани бажармаганлардан топширилмаган ғалла ўрнига пул талаб қилинмоқда.

“Бу йил Сурхондарёда қурғоқчилик ва сув танқислиги сабабли фермерларнинг 80-90 фоизи ғалла режасини бажара олмади. Вилоят ва туман раҳбарлари фермерлардан ғалла топиб, давлатга топширишни талаб қилмоқда. Жойлардаги ғалла қабул қилувчи пунктлар 1 кило буғдой учун 1200 сўмдан нақд пул олмоқда. Шу йилнинг баҳор ойларида фермерлар сув бўлмаётганлиги сабаб ғалла айни ўсиш даврида 1,5-2 ойлаб сувсиз қолиб кетганлиги борасида тегишли ташкилотларга мурожаат қилган эди. Лекин раҳбарлар қурғоқчиликни инобатга олмасдан, зўравонлик билан фермерлардан режага етмай қолган ғаллани топишни талаб қилмоқда”, дейди сурхондарёлик фермер исмини очиқламаслик шарти билан.

Вилоятнинг Қизириқ туманидаги фермерлардан бирининг айтишича, Мажбурий ижро бюроси (МИБ) бошчилигидаги мутасадди идоралар вакиллари режани бажармаган фермерларнинг чорва молларини сотиб, пулини ғалла учун топширишни талаб қилмоқда.

“МИБ, солиқ ва бошқа идора ходимлари ҳеч қандай ижро ҳужжатисиз ва суд буйруғисиз келиб, фермерларнинг молларини мажбуран зўравонлик билан олиб кетишга уринмоқда. Қизириқдаги бир фермернинг битта ҳўкизи, сигири ва бузоғини шундай қилишди. МИБ бошчилигидаги вакиллар фермернинг уйига келиб, молларини сотишга мажбурлашди. Улар ўзлари билан харидор ҳам топиб келишган. Фермер ҳўкиз ва сигир ҳамда бузоғини 12 миллион сўмга сотган ва пулини ғалла учун тўлаган. Яна бир фермернинг сигирини 3,5 миллион сўмга соттириб, пулини ғалла учун олиб кетишди. Ҳозир бошқа фермерлар ҳам хавотир олиб ўтирибди”, дейди қизириқлик йигит.

Қизириқ туманидаги фермерлардан бирининг акаси Озодлик билан боғланиб, укасининг сигирини МИБ ходимлари олиб кетишга ҳаракат қилишгани¸ бироқ сигир олиб қолингани ҳақида гапирди.

“Укам буғдой планини бажара олмади. Кеча МИБдан келиб сигирини олиб кетмоқчи бўлишди. Бир амаллаб сигирни олиб қолишди. Лекин барибир сотиб¸ пулини ғалла учун берасан¸ дейишган. Ҳозир укам сигирини сотиш ҳаракатида юрибди. Музробот туманидаги қариндошларимиз ҳам фермерлик қилади. Улар ҳам сигирини олиб кетиш ва соттириш билан боғлиқ иккита воқеани айтишди. Биттаси Париқишлоқда бўлган”, деди қизириқлик фермернинг акаси исмини ошкор қилмаслик шарти билан.

Озодлик боғланган Қизириқ туман МИБ ходимлари ғалла билан боғлиқ барча саволларга бюро бошлиғи Суҳроб Қурбоновдан жавоб олиш мумкинлигини айтишди. 18 июнь кун давомида Қурбонов билан боғланиш имкони бўлмади.

Сурхондарё вилоят МИБ мулозимлари эса ғалла режасини бажармаган фермерларни мажбурлаш ҳолатлари борлигини инкор қилишди.

Жорий йилда нафақат Сурхондарë¸ балки мамлакатнинг бошқа ҳудудларида ҳам ёғингарчилик кам бўлгани ва сув танқислиги сабаб ғалла ҳосилининг камлиги айтилмоқда.

Жумладан, Самарқанд вилоятида ғалла ҳосилининг ўтган йилга нисбатан 35-40 фоизга кам бўлиши кутилмоқда. Вилоят ҳокими Туробжон Жўраев ҳокимлик ва мутасадди ташкилотлар вакилларини ғалла пишишидан 10 кун аввал дала шийпонларига ҳайдаган эди.

Озодлик Ўзбекистон ғалла жабҳасидан келаëтган турли маълумот ва шикоятларга “Ўздонмаҳсулот” ширкатидан изоҳ олишга уринди.

Ширкатнинг Озодлик гаплашган расмийлари саволларга Қишлоқ хўжалик вазирлигидан жавоб олишни тавсия қилди. Ушбу вазирликда эса мутассадди раҳбарлар барчасининг ғалла бўйича хизмат сафарига кетгани ва шу боис улар билан боғланиш имконсизлигини билдиришди.

Surxondaryoda g‘alla rejasini bajarmagan fermerning chorvasi tortib olinmoqda
Surxondaryodan Ozodlikka bog‘langan fermerlarga ko‘ra, g‘alla rejasini bajarmagan fermerlardan topshirilmagan bug‘doyning har kilosi uchun 1200 so‘mdan pul talab qilinmoqda. Fermerlar iddaosicha, MIB boshchiligidagi mutasaddi tashkilotlar xodimlari g‘alla uchun pul berishga qurbi yetmagan fermerlarning chorva mollarini tortib olayapti.
Ozodlikka murojaat qilgan surxondaryolik fermerlarga ko‘ra, joriy yilda kuzatilgan suv taqchilligi sabab g‘alla hosili kam bo‘lgan va aksar fermerlar rejani bajara olmagan.

Fermerlar iddaosicha, rejani bajarmaganlardan topshirilmagan g‘alla o‘rniga pul talab qilinmoqda.

“Bu yil Surxondaryoda qurg‘oqchilik va suv tanqisligi sababli fermerlarning 80-90 foizi g‘alla rejasini bajara olmadi. Viloyat va tuman rahbarlari fermerlardan g‘alla topib, davlatga topshirishni talab qilmoqda. Joylardagi g‘alla qabul qiluvchi punktlar 1 kilo bug‘doy uchun 1200 so‘mdan naqd pul olmoqda. Shu yilning bahor oylarida fermerlar suv bo‘lmayotganligi sabab g‘alla ayni o‘sish davrida 1,5-2 oylab suvsiz qolib ketganligi borasida tegishli tashkilotlarga murojaat qilgan edi. Lekin rahbarlar qurg‘oqchilikni inobatga olmasdan, zo‘ravonlik bilan fermerlardan rejaga yetmay qolgan g‘allani topishni talab qilmoqda”, deydi surxondaryolik fermer ismini ochiqlamaslik sharti bilan.

Viloyatning Qiziriq tumanidagi fermerlardan birining aytishicha, Majburiy ijro byurosi (MIB) boshchiligidagi mutasaddi idoralar vakillari rejani bajarmagan fermerlarning chorva mollarini sotib, pulini g‘alla uchun topshirishni talab qilmoqda.

“MIB, soliq va boshqa idora xodimlari hech qanday ijro hujjatisiz va sud buyrug‘isiz kelib, fermerlarning mollarini majburan zo‘ravonlik bilan olib ketishga urinmoqda. Qiziriqdagi bir fermerning bitta ho‘kizi, sigiri va buzog‘ini shunday qilishdi. MIB boshchiligidagi vakillar fermerning uyiga kelib, mollarini sotishga majburlashdi. Ular o‘zlari bilan xaridor ham topib kelishgan. Fermer ho‘kiz va sigir hamda buzog‘ini 12 million so‘mga sotgan va pulini g‘alla uchun to‘lagan. Yana bir fermerning sigirini 3,5 million so‘mga sottirib, pulini g‘alla uchun olib ketishdi. Hozir boshqa fermerlar ham xavotir olib o‘tiribdi”, deydi qiziriqlik yigit.

Qiziriq tumanidagi fermerlardan birining akasi Ozodlik bilan bog‘lanib, ukasining sigirini MIB xodimlari olib ketishga harakat qilishgani¸ biroq sigir olib qolingani haqida gapirdi.

“Ukam bug‘doy planini bajara olmadi. Kecha MIBdan kelib sigirini olib ketmoqchi bo‘lishdi. Bir amallab sigirni olib qolishdi. Lekin baribir sotib¸ pulini g‘alla uchun berasan¸ deyishgan. Hozir ukam sigirini sotish harakatida yuribdi. Muzrobot tumanidagi qarindoshlarimiz ham fermerlik qiladi. Ular ham sigirini olib ketish va sottirish bilan bog‘liq ikkita voqeani aytishdi. Bittasi Pariqishloqda bo‘lgan”, dedi qiziriqlik fermerning akasi ismini oshkor qilmaslik sharti bilan.

Ozodlik bog‘langan Qiziriq tuman MIB xodimlari g‘alla bilan bog‘liq barcha savollarga byuro boshlig‘i Suhrob Qurbonovdan javob olish mumkinligini aytishdi. 18 iyun kun davomida Qurbonov bilan bog‘lanish imkoni bo‘lmadi.

Surxondaryo viloyat MIB mulozimlari esa g‘alla rejasini bajarmagan fermerlarni majburlash holatlari borligini inkor qilishdi.

Joriy yilda nafaqat Surxondarë¸ balki mamlakatning boshqa hududlarida ham yog‘ingarchilik kam bo‘lgani va suv tanqisligi sabab g‘alla hosilining kamligi aytilmoqda.

Jumladan, Samarqand viloyatida g‘alla hosilining o‘tgan yilga nisbatan 35-40 foizga kam bo‘lishi kutilmoqda. Viloyat hokimi Turobjon Jo‘rayev hokimlik va mutasaddi tashkilotlar vakillarini g‘alla pishishidan 10 kun avval dala shiyponlariga haydagan edi.

Ozodlik O‘zbekiston g‘alla jabhasidan kelaëtgan turli ma’lumot va shikoyatlarga “O‘zdonmahsulot” shirkatidan izoh olishga urindi.

Shirkatning Ozodlik gaplashgan rasmiylari savollarga Qishloq xo‘jalik vazirligidan javob olishni tavsiya qildi. Ushbu vazirlikda esa mutassaddi rahbarlar barchasining g‘alla bo‘yicha xizmat safariga ketgani va shu bois ular bilan bog‘lanish imkonsizligini bildirishdi.

20.06.2018
Ozodlik
Devami

O‘zbekiston chetdagi o‘zbeklarni aldab chaqirmoqdami? Ўзбекистон четдаги ўзбекларни алдаб чақирмоқдами?

20.06.2018 ( kril va lotımda)

“Укам Зокир Алиевни Ўзбекистон расмийлар келсин, айбсизлигини исботлаб кетади, деб чақиртиришганди” – дейди Чироқчидан Би-би-си Ўзбек Хизматига гапирган акаси Нурулла Алиев.

“Келгач, мана ушлаб кетишди ва беш хил айблов қўйишмоқда” – давом этади у – ” Энди АҚШ бирон ёрдам берармикан, деб кутяпмиз”.

Ҳозир АҚШ фуқароси бўлган асли қашқадарёлик Зокир Алиев Президент Мирзиёев четдаги ўзбекларни ватанга қайтишга чорлаганига ишониб келган.

Бироқ у Чироқчидаги қариндошларининг уйига кириши ортидан бир неча соат ўтар-ўтмай, Қаршидан юборилган хавфсизлик ходимлари олиб кетишади.

Яқинларининг билдиришича, Зокир Алиевга қарши конституцион тузумга тажовуз, терроризм ва чегарани ноқонуний кесиб ўтиш каби ҳаракатларни кўзда тутадиган жами бешта айблов илгари сурилаяпти.

Оила аъзолари у 2005 йилдан бери қидирувга берилганини, аммо айби йўқлигини исботлаш учун қайтганини айтишмоқда.

Маълум бўлишича, вилоят куч ва ҳуқуқ-тартибот тизимлари раҳбарлари унинг оила аъзоларини йиғиб, ўғлингизни чақиртирсангиз, қўйилган айбловларни олиб ташлаб, қидирувни бекор қиламиз, деб ваъда беришган.

Бунга ишонган оила аъзолари Зокир Алиевни Ўзбекистонга қайтишга таклиф этишган.

У олиб кетилганидан бери на яқинлари, на адвокатига кўрсатилган. Аҳволи ва айнан қаердалиги ҳам маълум эмас.

АҚШнинг Тошкентдаги элчиси Памелла Спратлен ҳодиса тафсилотларини ўрганаётганликларини айтган.

“АҚШ элчихонаси ҳодисадан хабардор ва зарур чораларни кўрмоқда. Кўпроқ маълумот олишга ҳаракат қиляпмиз”, – дея твит қилган сешанба куни Спратлен хоним.

Ватанга қайтган ўзбек ёзувчиси ҳибсга олинди

Бобомурод Абдуллаев Президент Мирзиёевга керак

Қўшма Штатларда солиқ ширкатини бошқариб келган 46 яшар асли ўзбекистонлик Зокир Алиев – АҚШ фуқароси.

У асил ватанига бориш учун Ўзбекистон элчихонасидан виза рухсати олгани хабар қилинмоқда.

Бугун хорижда минглаб ўзбекистонликлар ватанга борсам, бирон айб топиб қамаб қўйишмайдими, деган хавотирда яшайдилар.

Уларнинг баъзилари ҳеч қандай ноқонуний ҳаракат қилишмаган. Айрим ҳолатларда ОВИР тартибларини бузган ва ёки маҳалла нозирлари ҳамда фаоллари тарафидан бирон рўйхатга тиркаб қўйилган бўлиши мумкин.

Бироқ Ўзбекистонда четда ишлаётган ва яшаётган фуқароларни потенциал террорчи ёки жиноятчи сифатида кўриш ва ҳатто қамоққа олиш тажрибаси қўллаб келингани учун кўпчилик ватанга боришдан қўрқади.

Олдинроқ Президент Мирзиёевнинг чорловларига ишониб Ўзбекистонга борган бир неча киши қўлга олинган ёки устидан жиноий иш очилган.

O‘zbekiston chetdagi o‘zbeklarni aldab chaqirmoqdami?
“Ukam Zokir Aliyevni O‘zbekiston rasmiylar kelsin, aybsizligini isbotlab ketadi, deb chaqirtirishgandi” – deydi Chiroqchidan Bi-bi-si O‘zbek Xizmatiga gapirgan akasi Nurulla Aliyev.

“Kelgach, mana ushlab ketishdi va besh xil ayblov qo‘yishmoqda” – davom etadi u – ” Endi AQSh biron yordam berarmikan, deb kutyapmiz”.

Hozir AQSh fuqarosi bo‘lgan asli qashqadaryolik Zokir Aliyev Prezident Mirziyoyev chetdagi o‘zbeklarni vatanga qaytishga chorlaganiga ishonib kelgan.

Biroq u Chiroqchidagi qarindoshlarining uyiga kirishi ortidan bir necha soat o‘tar-o‘tmay, Qarshidan yuborilgan xavfsizlik xodimlari olib ketishadi.

Yaqinlarining bildirishicha, Zokir Aliyevga qarshi konstitutsion tuzumga tajovuz, terrorizm va chegarani noqonuniy kesib o‘tish kabi harakatlarni ko‘zda tutadigan jami beshta ayblov ilgari surilayapti.

Oila a’zolari u 2005 yildan beri qidiruvga berilganini, ammo aybi yo‘qligini isbotlash uchun qaytganini aytishmoqda.

Ma’lum bo‘lishicha, viloyat kuch va huquq-tartibot tizimlari rahbarlari uning oila a’zolarini yig‘ib, o‘g‘lingizni chaqirtirsangiz, qo‘yilgan ayblovlarni olib tashlab, qidiruvni bekor qilamiz, deb va’da berishgan.

Bunga ishongan oila a’zolari Zokir Aliyevni O‘zbekistonga qaytishga taklif etishgan.

U olib ketilganidan beri na yaqinlari, na advokatiga ko‘rsatilgan. Ahvoli va aynan qayerdaligi ham ma’lum emas.

AQShning Toshkentdagi elchisi Pamella Spratlen hodisa tafsilotlarini o‘rganayotganliklarini aytgan.

“AQSh elchixonasi hodisadan xabardor va zarur choralarni ko‘rmoqda. Ko‘proq ma’lumot olishga harakat qilyapmiz”, – deya tvit qilgan seshanba kuni Spratlen xonim.

Vatanga qaytgan o‘zbek yozuvchisi hibsga olindi

Bobomurod Abdullayev Prezident Mirziyoyevga kerak

Qo‘shma Shtatlarda soliq shirkatini boshqarib kelgan 46 yashar asli o‘zbekistonlik Zokir Aliyev – AQSh fuqarosi.

U asil vataniga borish uchun O‘zbekiston elchixonasidan viza ruxsati olgani xabar qilinmoqda.

Bugun xorijda minglab o‘zbekistonliklar vatanga borsam, biron ayb topib qamab qo‘yishmaydimi, degan xavotirda yashaydilar.

Ularning ba’zilari hech qanday noqonuniy harakat qilishmagan. Ayrim holatlarda OVIR tartiblarini buzgan va yoki mahalla nozirlari hamda faollari tarafidan biron ro‘yxatga tirkab qo‘yilgan bo‘lishi mumkin.

Biroq O‘zbekistonda chetda ishlayotgan va yashayotgan fuqarolarni potensial terrorchi yoki jinoyatchi sifatida ko‘rish va hatto qamoqqa olish tajribasi qo‘llab kelingani uchun ko‘pchilik vatanga borishdan qo‘rqadi.

Oldinroq Prezident Mirziyoyevning chorlovlariga ishonib O‘zbekistonga borgan bir necha kishi qo‘lga olingan yoki ustidan jinoiy ish ochilgan

O’ZBEK BBC

Devami